| Вопросы священнослужителю

Уважаемые читатели, на данной странице нашего сайта вы можете задать любой вопрос, связанный с  жизнью Закамского благочиния и Православием. На ваши вопросы отвечают священнослужители Свято-Вознесенского собора города Набережные Челны. Обращаем ваше внимание, что вопросы личного духовного характера лучше, конечно, решать в живом общении со священником или со своим духовником.

Как только ответ будет подготовлен, Ваш вопрос и ответ будут опубликованы на сайте. Обработка вопросов может занять по времени до семи дней. Запоминайте, пожалуйста, дату подачи Вашего письма для удобства последующего поиска. Если Ваш вопрос имеет срочный характер, отмечайте его пометкой «СРОЧНО», мы постараемся дать на него ответ насколько можно быстрее.

Дата: 
16.10.2011 13:23:07

Андрей, Когалым

Здравствуйте. Подскажите, нам с женой велено всю жизнь читать, “Акафист покаянный жен, загубивших младенцев во утробе своей”, по какой причине понятно. Текст акафиста идет от женского лица, как мужчине приспособиться к словам: ...Помилуй мя, чистоту девства своего не сохранившую; ...яко благочестиваго материнства себя лишившую...из чрева моего чада своя без времени извергшую...свершившую убийство младенца в утробе моей...умерших в утробе моей и т.д. Спаси Вас, Господи!

Здравствуйте, Андрей.

Привожу ниже текс акафста переделаный священником нашего храма для чтения его мужчиной.

Акафист покаянный жён

 

Кондак 1

Агнче Божий, вземляй грехи мира, услыши стенание мое и скорби сердца моего вонми, возьми мое тяжкое бремя греховное, понесший немощи наша, приими в покаянии припадающаго к Тебе, молящегося из глубины души взывающаго:

Господи мой, Господи, радосте моя, помилуй мя, падшаго.

Икос 1

Боже и Господи! Твое бо есть творение, но увы мне, в раи содеянный Адамов грех живет во мне и яко раб усердно работаю ему всегда, ныне же молю Тя:

 помилуй мя, Творче мира горняго;

 помилуй мя, Создателю естества дольняго;

 помилуй мя, Владыко сил Небесных;

 помилуй мя, Управителю тварей телесных;

 помилуй мя, Промыслителю всяческих;

помилуй мя, слезы мои о гресех моих к Тебе приносящаго;

 Господи мой, Господи, радосте моя, помилуй мя, падшаго.

 

 

Кондак 2

Владыко всемилостивый, како столь гнусный грешник смею приступити к Тебе с молитвою моею, преступившаго заповедь Твою, яже ты заповедал мне чрез Моисея пророка твоего: не убий; аз же убийца есмь, и увы, жесточайший во сто крат, змеинаго нрава, кий хотя и на малое время дает чадам своим увидети свет, а последиже пожирает, аз же, окаянный, немилосердо лишил чад своих не токмо чувственнаго, но наипаче и истиннаго Света, Господа нашего Иисуса Христа, чрез Таинство Крещения озаряющаго; и ради временнаго телеснаго покоя избегал многочадства. А посему надеюсь аз, омраченный сими и многими без числа грехами, токмо на милость благоутробия Твоего, и со дерзновением зову Ти: Аллилуиа.

Икос 2

Глаголы жизни твои презреша, Господи, и по воле сердца моего ходиша, от самой юности моея даже до сего дня, ныне же в покаянии зову Ти, Всещедре Спасе мой:

 помилуй мя, в беззакониих зачатаго;

 помилуй мя, во гресех рожденнаго;

 помилуй мя, заповеди Твоя не сохранившаго;

 помилуй мя, благодати Твоея лишившагося;

 помилуй мя, о спасении своем не радеющаго;

 помилуй мя, в сети страстей улучившаго;

 Господи мой, Господи, радосте моя, помилуй мя, падшаго.

 

 

Кондак 3

Добро и красно есть еже жити братии вкупе и друг друга любити, якоже заповедал еси нам, Спасе наш, яко гневающийся на брата своего, убийца есть, аз же гневом своим превзошел всех от века рожденных, наипаче же убийц, коих жертвы были различных причин, жизней и возрастов во времени, аз же, окаянный, лишил жизни тех, кои еще токмо получили время на жизнь от Тебя, Подателя жизни для их существования, но я в безумии моем безжалостно отымал ее, без страха Божия отвергая волю Твою и благословенный Тобою дар чадородия. Я своевольно вырывал из творческих рук Твоих невинных чад моих и перед глазами Твоими не стыдясь убивал их. Но судьбы их в деснице Твоей, Господи, а грех мой предо мною есть выну. Тебе Единому каюсь, и молю Тя, Блаже, на путь покаяния стопы мои направи, да со всеми покаявшимися грешниками вспою Тебе: Аллилуиа.

Икос 3

Едине ведый человеческою немощь, веси вся грехопадения моя, грехи юности моея не помяни, и от тайных моих очисти мя, зовущаго Тебе:

 помилуй мя, великого грешника;

 помилуй мя, закона Божия преступника;

 помилуй мя, завета твоего нарушителя;

 помилуй мя, яко Тебе, Владыце моему злом мзду воздавшаго;

 помилуй мя, в покаянии к Тебе во единодесятый час пришедшаго;

 помилуй мя, окаянного детоубийцу;

 Господи мой, Господи, радосте моя, помилуй мя, падшаго.

 

Кондак 4

Жизни подателю, Царю небесный, прииди и вселися в мя, грехами оскверненного и очисти мя от всякия скверны, и спаси, Блаже, душу мою, да зову Тебе спасаемый: Аллилуиа.

 

Икос 4

Заблудшаго, яко овча погибшее, взыщи мя, раба Твоего, Боже мой, удалившагося от заповеди Твоя в непроходимую дебрь страстей и своеволий, спаси мя, недостойного, тепле тебе стенящяго, молящегося и вопиющего:

 помилуй мя, своевольными грехами отягченнаго;

 помилуй мя, страстьми омраченнаго;

 помилуй мя, гордостию восхищеннаго;

 помилуй мя, завистию снедаемаго;

 помилуй мя, неправдою исполненнаго;

 помилуй мя, не хотящий смерти грешника;

 помилуй мя, убийцу своих чад нарочитаго;

 Господи мой, Господи, радосте моя, помилуй мя, падшаго.

 

Кондак 5

Идеже хощеши, Всемогущий Боже мой, там и побеждается естества чин, победи во мне живущее, греховное естество мое, и силы его, влекущие меня ко греху, яко Ты еси Творец всяческих и Создатель естества, Божественною благодатию Твоею дух прав обнови во утробе моей, не отвержи мене от лица Твоего, и Духа Твоего Святаго не отыми от мене, и сотри достойно налагаемую на душу мою смертную печать детоубийцы, наложенную правосудием Твоим по шестой заповеди закона Твоего «не убий" и возстанови вновь грехами моими расторгнутый Твой вечный завет к нам, Господи, и возврати мои прежние добродетели, через грех погибшие, да невозбранно воспою Тебе: Аллилуиа.

 

Икос 5

Кто согрешил когда-либо, яко согрешил я, окаянный, коего греха не соделал, коего зла не вообразил в душе моей, но с раскаянным сердцем и со слезами прихожу к Тебе, Всещедре Господи, вопиюще:

 помилуй мя, невернаго раба Твоего;

 помилуй мя, во гресех окамененнаго;

 помилуй мя, ближняго ненавидящяго;

 помилуй мя, словом и делом обидящяго;

 помилуй мя, душею и телом сквернаго;

 помилуй мя, совестию сожженнаго;

 помилуй мя, детоубийцу, Ироду подобнаго;

 Господи мой, Господи, радосте моя, помилуй мя, падшаго.

 

 

Кондак 6

Лучами благодати Твоея, Господи, просвети одеяние души моея, Светодавче, и спаси мя, да, радуяся, воспою Тебе: Аллилуиа.

 

Икос 6

Многое множество моих, Христе, прегрешений и яко ночь мрачное все житие мое, но не отчаявшагося в милосердии Твоем, Спасе мой, яко Давид, вопию Ти:

 помилуй мя, в лености все житие иждившаго;

 помилуй мя, о молитве за грехи нерадеющяго;

 помилуй мя, неблагодарного за Твои благие внушения о покаянии;

 помилуй мя, закона Твоего не чтившаго и заповеди не сохранившаго;

 помилуй мя, яко мир и что в мире возлюбившаго;

 помилуй мя, в суете мирской дни века моего иждившаго;

 помилуй мя, яко подражая законам века сего и гнушаяся благословенным Тобою чадородием, детоубийство совершившаго;

 Господи мой, Господи, радосте моя, помилуй мя, падшаго.

 

Кондак 7

На небо очи мои возвожу к Тебе, Слове Божий, но бренное естество мое долу влечет мя, Спасе мой. О, Создателю неба и земли и всего, яже в них! Возстави мя к горнему яже ми мыслити и деяти, да всегда победно сердцем и устами воспою Ти: Аллилуиа.

 

Икос 7

Око имам лукавое и всякия нечистоты исполненное, прелестию мира сего выну прельщаюся, тем же молю Тя, Всеблаже, отврати очи мои еже не видети ми суеты, да молебно зову Ти:

 помилуй мя, жаждущего верно Тебе послужити;

 помилуй мя, желающего поклонитися Тебе в духе и истине;

 помилуй мя, слезы покаяния моего яко жертву за грехи моя к Тебе приносящяго;

 помилуй мя, прощение за убийство чад моих у Тебе просящяго;

 помилуй мя, избавления от страстей моих от Тебе ожидающяго;

 помилуй мя, зельно плачущего о тяжких и смертных моих согрешениях;

 помилуй мя, убийцу повиннаго суду Божескому и человеческому;

 Господи мой, Господи, радосте моя, помилуй мя, падшаго.

 

Кондак 8

Пощади мя, Господи, Спасе мой, пришедший в мир грешныя спасти, от нихже гнуснее всех я, но молю Тя, Всемилостиве Боже мой, приклонися на милость благоутробия Твоего, услыши сердечныя воздыхания моя, приими источники слез моих, теплыя душевныя молитвы, душе Спасе мой, да воспою Тебе: Аллилуиа.

 

Икос 8

Разбойнические злые помыслы нападоша на мя, совести моей спящей, увы мне, одежды светлыя, данные мне при крещении моем, за гнусность грехов моих лишился еси, оттоле чадоубийство совершил, и наг в добродетели доселе пребываю, темже вельми стремлюся возвести очеса моя горе, долу поникшия за множество лютых, содеянных пред Тобою, Господи, и тако вопию к Тебе:

 помилуй мя, смертный грех содеявшаго;

 помилуй мя, доселе во гресех коснеющяго;

 помилуй мя, всякой мерзости преисполненнаго;

 помилуй мя, противоестественными пороками запятнаннаго;

 помилуй мя, чистоту девства своего не сохранившаго;

 помилуй мя, яко благочестиваго отцевства себя лишившаго;

Господи мой, Господи, радосте моя, помилуй мя, падшаго.

 

Кондак 9

Слезные ми подаждь Токи, Боже мой, да плачусь гресех моих горько, и тако радуяся, возопию: Аллилуиа.

Икос 9

Тело мое осквернил тайнами мерзскими, душу мою омрачил безместными деяниями моими, немощствует тело, немощствует и душа моя.

 К Тебе, Единому Непамятозлобному, Милосердному Судии и Богу моему припадая, молюся:

 помилуй мя, убийцу, яко память о судьбе изверженных чад моих приводит мя в трепет и ужас и неизглаголанное удивление: како Милосердный Господи и Судия Праведнейший, терпиши и благотвориши мя, адского пресельника, даже до сего дне и часа, всячески ожидая моего покаяния;

 помилуй мя, неоднократно обещавшаго исправитися, и снова возвратившагося ко грехам, яки пес на свою блевотину;

 помилуй мя, многое число убийств совершившаго;

 помилуй мя, яко без страха Божия и отцовской любви к чадам, но со свирепостью дикаго зверя чад своих растерзавшаго;

 помилуй мя, яко волею своею грехи своя совершившаго;

 помилуй мя, дух мой мерзскими помыслы осквернившаго;

 помилуй мя, яко греховную жизнь свою и по сей день проводящяго;

 Господи мой, Господи, радосте моя, помилуй мя, падшаго.

 

Кондак 10

Уязвился прелестию мира сего и преклонил колена пред ним, избрав пагубный путь мерзскаго закона его, забыв обещания своя, данные мною при Крещении и совершая одно за другим свои преступления, какие только подсказывал мне мир, и наконец, достиг самой вершины смертных грехов – чадоубийства, но объятия, Отча, отверзти ми, Боже мой, потщися, доколе на конец жизни моея жертву хвалы принесу Ти, вопия: Аллилуиа.

 

Икос 10

Хищницы, убийцы, тати и вси нераскаянные грешницы Царствия Божия не наследуют. Аз же всякою неправдою и всякими мерзскими грехами осквернил душу и тело мое, сего ради душевнаго бедствия моего, припадая, зову Ти:

 помилуй мя, в Новом Завете благодатнаго Царства Твоего рожденнаго;

 помилуй мя, в Церкви, созданной Тобою, воцерковленнаго;

 помилуй мя, дарами Духа Святаго запечатленнаго;

 помилуй мя, Твоим Пречистым Телом и Животворящею Кровию окормленнаго;

 помилуй мя, во Христа крещеннаго, во Христа облеченнаго;

 помилуй мя, вси сии благодеяния отвергшаго и порочную жизнь избравшаго;

 Господи мой, Господи, радосте моя, помилуй мя, падшаго.

 

 

Кондак 11

Целомудрия дух даруй ми, Господи и Владыко живота моего, зане от самой юности моея лишился добродетели, всего себя поработил страстем, дух и душу осквернил и тело растлил. Боже щедрот и милосердия! Не погнушайся очистити мя, столь гнуснаго грешника, создание Твое аз есмь, помилуй мя; и очисти мя от всякия скверны плоти и духа и сподоби мя дерзновенно пети Тебе: Аллилуиа.

 

Икос 11

Чаяния сердца моего, уповающаго на Тя не отрини, Господи, и не посрами мя пред ангелы и человеки на праведнем и Страшнем Судищи Твоем, не осуди мя тогда по делом моим, но по милости Твоеи прости вся грехи моя, вопиющаго Ти:

 помилуй мя, сердце нечистое имущаго;

 помилуй мя, демонским пленом плененнаго;

 помилуй мя, во гресех рожденнаго, Крещением омывшагося и паки, яко свиния в беззаконие впавшаго;

 помилуй мя, язвы грехопадения души моея смрадны имущяго;

 помилуй мя, от тяжких и смертных грехопадений моих в уныние и отчаяние впавшаго;

 помилуй мя, всякий грех соделавшаго и всякаго наказания достойнаго;

 помилуй мя, Создателю мой, и в покаянии приими мя, падшаго;

 Господи мой, Господи, радосте моя, помилуй мя, падшаго.

 

 

Кондак 12

Широтою любви Твоея, Боже мой, покрый вся грехи и беззакония моя, приемлюще покаяние мое, да в любви к Тебе всегда зову: Аллилуиа.

 

Икос 12

Юность моя проиде в безумии моем, все житие мое иждившаго во гресех, в лености и нерадении к покаянию, но старость моя ужасом смерти и неминуемаго Суда Твоего приведе мя к покаянию. Не отрини мене, Спасителю мой, и во единодесятый час пришедшего во Отчее объятие Твое и в покаянии зову Ти:

 помилуй мя, яко кровь неповинных чад моих вопиет к Тебе, свидетельствуя о убийстве моем;

 помилуй мя, Боже мой, естеством Триединый;

 помилуй мя, Господи, милосердием предивный;

 помилуй мя, Владыко, о наших согрешениях долготерпевый;

 помилуй мя, Царю Святый, немощи моя  исцеляющий;

 помилуй мя, любвеобильный, и отчаянных грешников любовию Своею согревающий;

 помилуй мя, Всемогущий, понесший немощи наша;

 Господи мой, Господи, радосте моя, помилуй мя, падшаго.

 

Кондак 13

(Трижды)

Явитися имать знамение Сына Человеческаго на Небеси, в день оный страшнаго и втораго пришествия Судии живым и мертвым, Сына Божия Пречестный и Животворящий Крест. Тогда восплачутся вся племена земная. О, Иисусе Христе, Спасителю и Судие наш и всех Царю! Даждь ми прежде дне онаго слезы покаяния, да плачуся теплее злых моих и пагубных деяний, имиже душу мою омерзих и твою Пречистую Кровь Завета Твоего горце преобидел! Да тогда же со ангелы, и со всеми святыми и праведными пою Тебе: Аллилуиа. Аллилуиа Аллилуиа.

 

Икос 1

Боже и Господи! Твое бо есть творение, но увы мне, в раи содеянный Адамов грех живет во мне  и яко раб усердно работаю ему всегда, ныне же молю Тя:

 помилуй мя, Творче мира горнаго;

 помилуй мя, Создателю естества дольняго;

 помилуй мя, Владыко сил Небесных;

 помилуй мя, Управителю тварей телесных;

 помилуй мя, Промыслителю всяческих;

 помилуй мя, слезы мои о гресех моих к Тебе приносящаго;

 Господи мой, Господи, радосте моя, помилуй мя, падшаго.

Кондак 1

Агнче Божий, вземляй грехи мира, услыши стенание мое и скорби сердца моего вонми, возьми мое тяжкое бремя греховное, понесший немощи наша, приими в покаянии припадающего к Тебе, молящягося из глубины души взывающего:

Господи мой, Господи, радосте моя, помилуй мя, падшаго.

 

 

 

Молитва первая

О, Владыко, Господи Иисусе Христе, Сыне Божий! Премногия благости Твоея, нас ради человек и нашего ради спасения в плоть оболкийся и распныйся и погребыйся, и Твоею Кровию обновивый растлевшее естество наше, приими мое покаяние во грехах и услыши глаголы моя: согреших бо, Господи, на небо и пред Тобою, словом, делом, душею и телом, и мыслию ума моего, заповеди Твоя преступив, не послушал повеления Твоя, прогневал Благость Твою, Боже мой, но яко творение Твое есмь, не отчаяваюся во спасении, но к безмерному Твоему Благоутробию дерзая прихожу и молюся Тебе: Господи! в покаянии даждь ми сокрушенное сердце и приими мя молящягося  даждь ми мысль благу, даждь ми помысл исповедания грехов моих, даждь ми слезы умиления, Господи, даждь ми по благодати Твоея положити начало благое. Помилуй мя, Боже, помилуй мя, падшего, и помяни мя, грешного раба Твоего (имя) во Царствии Твоем, ныне и присно и во веки веков. Аминь.

 

Молитва вторая

О Боже, премилосерднейший Христе Иисусе, Искупителю грешных, ради спасения рода человеческаго Ты оставил еси, Всемилостиве, преславная Небеса и вселился еси во юдоль сию плачевную и многогрешную, Ты принял еси на Божественная рамена Твоя наша немощи, и понесл еси наша болезни; Ты, о Страдальче Святый, уязвлен был за грехи наша и мучим за беззакония наша, а посему и мы грешные к Тебе, Человеколюбче, возносим наши смиренныя мольбы: приими их, о Преблагий Господи, и снизойди к немощем нашим и грехов наших не помяни, и гневное намерение отмстить за грехи наша отврати от нас. Кровию Твоею Всечестною обновивый падшее естество наше, обнови, Господи Иисусе Христе, Спасителю наш, и нас, во тли грехов сущих, и утеши сердца наша радостию всепрощения Твоего. С воплем и безмерными слезами раскаяния припадаем к стопам Твоего Божественного милосердия: очисти нас всех, Боже наш, Божественною благодатию Твоею от всех неправд и беззаконий жития нашего. Да во святыни Твоего Человеколюбия восхвалим всесвятое имя Твое, со Отцем, и Преблагим, и Животворящим Духом, ныне и присно, и во веки веков. Аминь.

 

Молитва ко Пресвятей Владычице Богородице

Милосердия двери отверзи нам Благословенная Богородице, надеющиися на Тя, да не погибнем, но да избавимся Тобою от бед, Ты бо еси спасение рода христианского. Радуйся, едина Пречистая Мати Единаго Создателя, Господа, Бога и Спаса нашего, Иисуса Христа! Буди ми Ходотаица в день страшного испытания, егда предстану Престолу Нелицемерного Судии, яко да огненнаго прещения муки избавлюся молитвами Твоими, Едина Благословенная. (Поклны)

Пресвятая Богородице, спаси нас!

 

Вернуться к списку вопросов